))))الدرس الأول((((
بسم الله الرحمن الرحيم
إن شاء الله الموضوع بيشمل الـPSP من الألف إلى الباء، بس أباكم تصبرون
علي، و بمش وياكم خطوة خطوة.
بس كل واحد فيكم يتأكد من إنه يطبق الخطوات صح، هذا أهم شي، و إن طبقتوا
الخطوات بطريقة صحيحة تقريبا بنتجنب كثرة الأسئلة
و كل واحد قبل لا يسأل إيلس يدور في أسئلة الأعضاء، يعني ما نبا أسئلة
مكررة
هذا كل اللي أباه منكم، يله نبدأ بسم الله بالموضوع
أولا: تعريف عن الجهاز:
تعريف كلمة "PSP": PlayStation Portable
بالعربي: البلاي ستيشن المحمول.
بحسب نظرتي للجهاز و باقي الأجهزة الأخرى أشوف إن الـPSP أقوى جهاز محمول
نزل في فئته، ينافس في السعر و الشكل و المواصفات و الجودة.
من حيث السعر ما يفرق وايد عن الأجهزة إلا بـ300 إلا 400 درهم تقريبا، سعر
الـPSP حاليا يوصل 700 درهم بدون أي إكسسوارات، و صناعة دقيقة و جدا و
المواد المختارة في الجهاز صلبة بحيث إن لو الـPSP طاحت من إيدك بدون ما
يكون الغطاء مالها عليها ما بيستويبها شي بإذن الله، و للجهاز منافسة قوة
له من قبل أجهزة أخرى من شركات ثانية.
و مواصفات الجهاز كالتالي:
1- تلعب ألعاب بقوة ألعاب الـPS2.
2- شاشة كبيرة نسبيا في عالم الأجهزة المحمولة بحجم: 272×480 Pixel.
3- تشوف الصور بعدة صيغ.
4- تسمع موسيقى و مقاطع صوتية أخرى.
5- تشوف عليها أفلام.
6- تقدر تتصفح النت من خلالها.
7- فيها WiFi (واير ليس).
8- تقدر تشغل أي ميموري ستيك بأي حجم بدون بطئ أو تعليق.
9- تشبكها بالكمبيوتر بكيبل الـUSB بدون أي برامج خاصة.
10- تقدر تستخدمها ك ـStorage Device.
11- تلعب ويا ربعك دايركت بالـWiFi، بسرعة عالية جدا، و كل فيرجن يعدلون
على السرعة.
12- تعلب ويا الناس في النت عن طريق اللعبة اللي انته تلعبها.
و شركة سوني خصصت نوع من أنواع الـCD خاص بالـPS P و اسمه UMD و بسعة 1.8
جيجا بايت و هوه عليه كفر من البلاستيك ما يتفتح عنه أبد، و هوه أصغر من
الـCD الصغير بعد.
معنى حرف الـU معناها: Universal.
معنى حرف الـM معناها: Media.
معنى حرف الـD معناها: Disc.
U niversal Media Discيعني بالعربي: القرص الإعلامي العام.
للجهاز بطارية من نوع ليثيوم قابلة للشحن بقوة 3.6 فولت قادرة على تشغيل
الجهاز لـ5 ساعات تقريبا من اللعب المتواصل بأعلى قوة من الإضاءة و بعد
درجة الصوت
(((الدرس الثاني)))
بسم الله الرحمن الرحيم
عقب ما عرفنا شوه هيه الـPSP و شووه هيه مواصفاتها، إن شاء الله اليوم
براويكم كيف نحط الصور و الأفلام و مقاطع الأصوات، و كيف يتم تركيب
البرامج، و الألعاب الصغيرة (هالألعاب بسيطة جدا و تحطها على الميموري ستيك
و تلعب)، و إن شاء الله في موضوع ثاني بنعرف كيف نخلي الـPSP تشغل الألعاب
الثانية بس مب أشرطة لازم تكون الميموري ستيك اللي عندك أقل شي 512 إلى 8
جيجا المتوفرة حاليا في الأسواق.
نبدأ بسم الله
في البداية عشان تشبك الـPSP بالكمبيوتر انته تحتاج لكيبل USB اللي طرف من
أطرافة Mini USB يسمونه، و هاي صورته:
اللي هوه مستخدم أغلب شي في الكيمرات، و عقب هالشي بتتصفح بس الفولدرات
اللي على الميموري ستيك يعني ما يخصك في الجهاز نفسه، و على فكرة ممكن تحط
أي ميموري ستيك لسوني على الـPSP و تتحكم بالملفات اللي فيه بكل حرية
(هالطريقة أخوي يسويها على الميموري ستيك مال تيلفونه سوني أريكسون k750i)
المهم
خطوات شبك الـPSP بالكمبيوتر:
1. توصل الكيبل بالـPSP و الكمبيوتر.
2. تروح على Settings و عقب تختار USB Connection.
3. تتصف الملفات عن طريق My Computer، بيظهر لك كـRemovable Disk.
ملاحظة: (كل مرة تشبك فيها أي جهاز بالكمبيوتر حاول
تشبكة من نفس البورت مال الـUSB)...إذا ذكرت لكم اسم Root يعني هوه السطح الخارجي للميموري ستيك، مثلا أنا
عندي هوه
G:\ و كل واحد بيختلف عنده اسم الدرايفر
على حسب كمبيوتره، و الـRoot هوه ما يخص الفولدر اللي تحط فيه الأفلام
اللي هوه باسم MP_ROOT، أبغيكم تدققون في التسميات اللي أعطيكم إياها).
ألحين بخبركم عن كل فولدر و وظيفته...
1.
MP_ROOT >> 101ANV01 تحط فيه الأفلام من
نوع MP4 بس.
2.
MUSIC تقدر تحط فيه أي فولدر ثاني بأي اسم و
تحط ملفات MP3 و WAV بس.
3.
PICTURE هنينه تحط الصور من الأنواع المعروفة
مثل JPG و BMP و PNJ و GIF ما أذكر بالضبط.
4.
VIDEO و هذا تحط فيه اللإلام من نوع MP4 بس.
5.
PSP >> COMMON هذا يخص صفحات الـHTML
(ما أعرف بعد شوه).
6.
PSP >> GAME تحط فيه الألعاب و البرامج
(البرامج بس مبرمجين يسوونها مب مال سوني).
7.
PSP >> SAVEDATA هذا يخص ملفات التخزين
وهذه صور لل ]psp[