ماهوه الفرق بين الطالب العراقي والطالب الامريكي

الفرق يا احبائي الحشاشه بسييييط جداً جداً
اكيد كلكم هسه تكولون هذا صدك يحجي لو ديحشش؟؟؟
هسه تشوفون
من الصبح تدك الساعه الرقميه الموجوده في غرفة الشاب الامريكي ليستيقض
مبكراً ويتوجه الى الحمام ليغسل وجههه ثم يفرّچ سنونه ويتوجه الى المطبخ
ويضع قطعتي التوست المحمص فى ال(هاي المكينه اللي تحمي خبز ما ادري
شسمهه)المهم يذهب الى الحديقه الاماميه لينتظر الباص الاصفر مال مدرسه .
اما الشاب العراقي

يستيقض( على صوت الوالده الحنين(اكعد ولك الساعه 6:00)
يذهب الى الحمام يلكه الماء مجرش يروح الى السياره اذا موجوده (عبالكم
يصعد بيهه ويروح للمدرسه ........لا) يسحب بانزين حتى يشغل المولد يشبع
بانزين تنسد نفسه وميتريّگ اذا رح يوفر عناء الريوگ عالاهل (ميشتهي ريّوگ
غير؟) لعد شكو يجيب صمون وگيمر عرب ؟؟؟؟ج/ حتى احسن.

الطالب الامريكي )يروح الى المدرسه ويروح الى صف الطبيعيات (عبالك روضه )
يتناقش ويه المدرس ويخلص يروح لدرس التغذيه غير خلص الدوام يرجع بالباص
للبيت يرتاح وبعدين يشغل الكاديلاك مالته ويطلع يفتر ..

الطالب العراقي) يروح الى المدرسه شايل الحزام اللي لاف بيهه الكتب يدخل
الى اول درس الاستاذ خلصان عنده بس اربع سنون (اللي ممحظر يطلعلي هنا)
ودائماً تصدف انه الطالب العراقي ممحظر (ينعلس) ثم تجي الفرصه (يتعارك مع
احد زملائه) يجي الدرس الثاني مدرس الفيزياء الحلقه الاخيره (كوم بابا مو
كتلك جيب ولي امرك ..متحظر عندي اليوم ) ( ما احظر وشنو يعني درس رياضه
صاير الفيزيه ) خلص الدوام( هوه مخلص بعده الدرس الرابع بس الطالب العراقي
طفر من الحايط ) مابيهه شي يرجع للبيت يلكه امه حارگه التمن وتنطيه خمسميه
يروح يجيب معجون توسان وبالصدفه يلكه الوالده مشغله الثلاجه عالمولد وگايم
المحرك مال مولد (بهدووم المدرسه يكعد يفصخ ) وراهه يضرب هندر گول اشتغلت
المولدة (اجه بابا) كالعاده يبوك السويج ويطلع يفتر بالصدفه البحته
ونادراً ما تحدث نلكه سيطره بالشارع وگفوه ( السياره بسمك ) (اي أو لا
المهم ياخذ الفين)
يفتر بالسياره ( اذا زوجي بس) يدور بنات يتحارش منا منا ذبلهه الرقم
كالتله خابرني دگ رقمهه بسرعه (ان رصيد حسابك لا يكفي.....)(خرب انه )
يتوجه الى اقرب چنبر ليشتري كارت ابو العشره ويخلصه عليهه..

الطالب الامريكي) الساعه 8:00 يبوس بابا ويبوس ماما ويروح ينام وكذلك ثاني يوم.
الطالب العراقي )يرجع بالليل يلگه البابا گالب الدنيه عالسياره يتعارك
وياه والماما ممسويه عشه تكله يمه تعال اتعشه يجي يتعارك وياها ليش محد
ميدري يروح للغرفه يريد يفتح الحاسبه حتى يكعد على النت هو يفتح الحاسبه
منا هي تطفا شيسوي ماكو غير يروح للسطح ينام وكذلك ثاني يوم .

" خاص لطلبه جامعه بغداد "
هع هع

[flash=http://mismail.bizhat.com/flash_sign.swf]WIDTH=500 HEIGHT=200[/flash]

» عندما يكون العراقي ذكي جدا (مو شلون ماكان )
» المنتخب العراقي يعسكر في الاردن استعدادا لغرب اسيا
» الطالب والمدرس
» المدرب الألماني سيدكا يباشر الشهر المقبل مهمته مع المنتخب العراقي لكرة القدم
» صور شخصية (لمسانده الفرق في كاس العالم)